Esta web, prevista dentro do Plan de Dinamización de Produto Turístico Ferrol-Ortegal, pretende mellorar a información do sector turístico da zona, diversificando e desestacionalizando o produto turístico.

Diversificando, porque é preciso realizar unha oferta de produtos turísticos diversos, plurais e integrados, que respondan a unha demanda cada vez máis segmentada. E desestacionalizando, porque é imprescindible crear fórmulas que fagan atractiva a afluencia de visitantes en temporadas distintas da tradicional época estival.