Igrexa, de estilo barroco de tipoloxía rural, dos séculos XVII-XVIII.
Destacan dous retablos realizados en madeira policromada e a imaxe da Virxe Negra de Loreto.

Ubicación: Couzadoiro, S. Cristovo de Couzadoiro, Ortigueira.

Descrición: Igrexa de estilo barroco de tipoloxía rural, dos séculos XVII-XVIII, con planta de cruz latina e amplo cruceiro. Caracterízase pola gran luminosidade grazas a espazosos vans cadrados que se abren na parte superior da nave, cruceiro e presbiterio. No exterior a ornamentación atópase na fachada principal. Nun dos laterais conta cun atrio cuberto para acubillar ós fieis en días chuviosos.

Non perderse: Dous retablos realizados en madeira policromada, que están situados nun dos brazos do cruceiro. Tamén garda unha curiosa imaxe da Virxe Negra de Loreto.