Ferrol-Ortegal materializa parte da súa memoria histórica a través de abundantes mostras de patrimonio arqueolóxico representado en antigos asentamentos e xacementos. Os castros, as mámoas e os dólmens abundan ao longo desta bisbarra, tanto nas zonas de costa como de interior pero a localización non é arbitraria e varía en función da súa utilidade.

Os castros están situados sempre en lugares altos ou en posicións estratéxicas para evitar posibles invasións mentres que as mámoas e os dólmens, ao ser utilizados como sepulcros, localízanse en montes e ladeiras.